ab sofort händ mir än neuä Blog.
Da dä Blog ja öffentlich gsi isch & mir dass nüm händ wellä. händ mir än neuä Blog gmacht. Ihr sind natürli herzlich däzuä igladä, det witer z läsä und s kommentierä 
mir muen sich eifach 1 mal churz regestrierä und ich schaltä eu dänn frei. nacher laufts glich witär. ihr logät eu dänn eifach mit euäm namä und passwort i
freu mi, wänn ihr dä Schritt mit eus machät und da wiitär chömäd go iäluegä
http://www.martifam.ch/
eui smartis
Hüt nach äm schaffä (han mal wieder än Tagdienst gha ) sind mir zus Müllers hei, go dä Nora ihrä Gebi fiirä. d Nora isch hüt scho 3 Jahr alt wordä 
äs sind na vieli anderi Chiind det gsi. Trotzdem isch äs än friedlä und gmüetlichä Nami gsi. Sie händ all zämä schön gspielt. Dä Levi isch zerscht chli schüch gsi, doch wo er dänn uftaut isch, isch er wacker dä andärä na gloffä und au immer mal wieder ab in obärä Stock 
än feinä Chuschä, bzw Muffin häts au na gä
… hani im Moment gäg mini zwei Jungs. Sie machät nu Seich und hebät zämä. Alläs wird im Doppelpack gmacht & gahst so na schneller.
han hüt nu churz na wellä äs paar Sachä zämä suechä im Zimmer, woni wieder cho bin…
äs isch Ziit dass i am Abig mal wieder chli Understützig überchum
Hüt händ mir eus mal wieder mit äm Gotti vom Rian dä Anna troffä. Eigentlich händ mir wellä is Halläbad, aber da sich d Sunnä na chli zeigät hät, händ mir sponti beschlossä uf Rappi in Chiinderzoo zga
s isch än lässigä Tag gsi und dä Rian hät sis Gotti so richtig gnossä. Dä Levi isch immer mal wieder chli gloffä, nid immer i diä richtig Richtig – aber das kännät mir ja vom Grossä
d Seelöwä show hät wieder beid begeistert und sie händ ganz gspannä zuä gluegät. Am Schluss händ dänn na beid mit klatschät & mit tanzät
dä Rian isch mal wieder dä bescht gsi 
uf äm Spielpi häts na eis Wasserbecki voll mit Wasser gha (ca 15cm tief), dä Rian staht grad dänäbät, woni das gseh han bini uf än zuä und han gseit er selli ufpassä und det ä wäg cho. Doch was macht dä Rian???? er gumpät eifach dri gumpä chan er mittlerwil ja sehr guet, schön mit beidnä Bei, schwups eifach dri. Folg dävo: Mami nass, Rian pflotschnass, gschockti Lüüt rundumä. isch mal wieder typisch gsi 
leider bini chli spat hei & beid händ gschlafä uf äm Heiwäg. Dä Rian nid lang, aber dä levi umsolänger. Hans am Abig fascht nid is Bett bracht & Energie händs au für 4 gha. (nächschtä Biitrag…)
hüt händ mir eus nach öpä 1 1/2 Jahr mal wieder mit dä Ioana, äm Oliver & dä Leonie troffä. Dä Oliver und dä Rian sind fascht glich alt. d Leonie & dä Levi sind bi eusäm letschtä Träffä na gar nanig uf dä Wält gsi 
s isch än lässigä Nami gsi & dä Rian und dä Oliver händ sich vo afang a super verstandä. Sie händ sich so guet verstandä, dass immer wieder zämä ab sind oder Seich gmacht händ drum isch äs amäl chli asträngänd gsi, nächscht Mal wärdät mir eus amä geieignätärä Ort träffä
dä Levi hät übrigens fliessig mitgmacht, d Leonie isch na z chli gsi
nachdem ich d Jungs hüt Nami bim Grosi & bim Grospi go holä bin. Sie händ därfä det schlafä, wenni am schaffä gsi bin.
isch d Jara, eusäs Nachbarsmaitli chli zu eus go spielä cho & ihräs Mami hät därfä id Fuesspfläge
äs isch we s letscht Mal scho, sehr guet gangä. Diä drü händ ganz herzig mitänand gspielt. Zwüschät durä, hät dä Rian mal chli sini Spielsachä verdeidigt, was er eigentlich suscht nid ä so macht
Hüt Morgä sind dä Grospi & ich mit dä Jungs s Urgrosi im Altersheim go bsuechä. Ich bin na niä det gsi dä Rian & dä Levi aber scho. dä Rian isch immer na schwerbegeistert, dass s Urgrosi än Fernseh im Zimmer hät und au im Restaurant wohnt
äs isch än entspanntä Morgä gsi & s Urgrosi hät sich riesig gfreut. Hett nid dänkt, dass so guet gaht. Aber nach äm Znüni ässä, händ diä beidä zfriedä i dä Spieleckä gspielt. Wohl au na dank zwei grössärä Buebä, wo sich total härzig um dä Rian & dä Levi kümmerät händ
bim usälaufä isch dänn dä Levi na dä Star vom Altersheim gsi :mrgeen: äs händ grad all ufs Zmittag gwartät, wo er änänä verbi gwatschlät isch. Mir händ nu ghört, jööö, so härzig. uhi, dä isch ja na chli & lauft scho….
hät mi grad chli stolz gmacht :mrgeen: wobi er würkt halt au jünger, wen er nid grad dä Gröschti isch mit sinä 74cm zfür dä Schwärschti
Hüt am spatä Nami, wo sich Sunnä na zeigät hät & dä Heiko uf gstandä isch. Händ mir na än Herbschtspaziergang gmacht. Zu dä Geissli, äm Buurähof & äm Schuählhuus Spielpi. Dä Rian isch mit äm Laufvelo oder z Fuess unterwägs gsi. Dä Levi hauptsächlich im Waagä. Er hät nanig so mögä laufä, evt isch äs au bitz a dä neuä Schuhä glägä. We diä chli härteri Sohlä händ muen er sich zerscht na chli dra gwöhnä
Diese Diashow benötigt JavaScript.
