scho wieder neui Schuhä

 

Hüt nach äm Chiinderarzt hani na husch wellä go luegä, was so a Winterstiefel umä hät. Doch was für än   am Levi sini erschtä Schuhä sind scho wieder zchli   däbi hani erscht grad na gluegät. Er hät jetzt scho s 22 und vorher hät er 20 gha

mit dä Winterstiefel hät er gar nid guet chönä laufä. S hät au nid würkli ä gschiedi Uswewahl gha & ständig mit dä Winerstiefel umälaufä gaht ja eh nid. Also hani nach gfüettärtä Lederschüheli gsuecht. Gar nid so eifach gsi   da er au na chli breiti (dicki) Füessli hät. Im 3. Ladä sind mir dänn ändlich fündig wordä

so richtigi Buebäschuhä

Chlätteräffli Levi

dä Levi isch ja eigentlich scho länger äs riesä Kamikaze Chlätter Äffli. Er kennt da echt nüt. Nu dä Trip Trap hät er bis jetzt in Ruhä la. Bis jetzt! grad hüt Morgä hani na dra dänkt & gfundä sisch na schön laht er dä in Ruhä. Hetti besser nid gmacht

Hüt abig isch er ständig uäklättärät & hät so grad uf dä Tisch oder d Abedickig vo dä Chuchi wellä   oder er versucht z’oberscht ufä zsitzä

Härbschtmärt

Hüts sind mir na husch an Härbschtmärt gangä. äs isch leider chli chalt gsi, aber wärmer agleit isch äs ushaltbar gsi   mir händ feini SDachä kauft & eusi Dip gwürz wieder kauft

dä Rian isch chli enttüscht gsi, dass er nüm hät chönä Ponyriitä (sind scho wäg gsi), zfür hät er därfä diä grossä Rasämäher usprobierä

dä Lervi hät immer mal wieder wellä laufä, mittlerwilä klappts au mit dä Schuhä scho rächt guet. Nu d Richtig stimmt amäl nid ä so ganz

laufä statt chrabblä

dä Levi lauft jetzt dedintiv   Hüt isch er meh uf 2 Bei underwägs gsi, als mit chrabblä. s gseht uh süess us & mir sind ganz stolz uf eusä chliini Maa

das heisst jetzt, mir chönd ab sofort 2 Chiindä na rännä. Wobi dä Levi zum Glück nanig so schnell isch & dussä mit Schuhä isch er nanig so sicher

äs schiint ihm Spass zmachä

Diese Diashow benötigt JavaScript.

laufä

dä Levi lauft jetzt immer länger Steckä am Stuck   er machts echt super guet, staht immer grad wieder uf, wänn er umfallt. oder was au uh luschtig usgseht, er ruederät amäl we wild mit dä Ärm, dass er s Glichgwicht nid verlürt  

mal luegä, we langs na gaht, bis er ganz umstellt vom chrabblä ufs laufä. Mit chrabblä isch er halt scho na viel schnäller

sälber ässä

chan dä Levi scho sehr guet. Mittlerwilä klappäts au mit äm Löffel oder dä Gablä scho rächt guet

Diese Diashow benötigt JavaScript.

Zah 4 & 5

sind i Amarsch bim Levi. d Spitzli luegät scho usä

laufä

gaht im Momänt Schlag uf Schlag. Äs schient ihm mega Spass zmachä. Immer wieder staht er frei im Ruum uf & lauft äs paar Schrittli. Am lienschtä uf mich zuä   Hüt isch er scho äs längers Stückli gloffä & das mit ämä riesä Smile uf äm Gsicht

Häfi

dä Rian gaht zum Teil sehr gärn ufs Häfi & dänn hät er wieder kei Luscht. Klappäts dänn mit äm Bisi oder Gaggi hät er uh Freud

suscht klappäts nanig so guet. Hüt hät er hinders Sofa pinklät   ich glaub mir löhnt ihm na ganz lang Windlä a  

1. Schuhä

Hüt hät dä Levi sini erschtä Schuhä übercho

äs isch mit dä Lederfinkli langsam chli nass & chalt wordä.

Jetzt isch er stolzä Bsitzer (vo tüürä) Lauflernschuhä     zfür sinds super weich & passät sehr guet. Isch gar nid so eifach gsi, we er än sehr grossä Rist hät