Chiindermund

Rian: Papi, hüt chömäd d Nora & Steffi uf Bsuech

Papi: wänn chömäds dänn?

Rian: wänn s Mami  staubgsugätt hät

dihei

dä Nami händ mir hüt dihei verbracht, mir sind nid mal uf dä Spielpi usä    

mit Büechli aluegä, Auto spielä, Musik losä usw.

Lieblingssatz vom Rian: Mami, was isch das???

was hät s Grosi?

luut Rian : d Häx umgschossä

grossä chliinä Levi

Hüt isch mir so richtig bewusst wordä, we gross dä Levi scho isch & was er scho alläs chan. Im Halläbad hät er we än grossä badät, isch umä klättärät & quer durs Wasser krabblät.

Hüt hät er au zum erschtä Mal 2 Schrittli uf mich zuä gmacht Er chlättärät jetzt ständig ufs Sofa & staht det obä frei

frei stah tuet er jetzt sehr lang, trinkt däbi locker us dä Siggfläsche  

redä tuet er au klarer, hüt hät er dütlich Ball gseit & sich total gfreut, won ichs verstandä han & ihm dä Ball gä han

gireizlä findet er au uh läss (natürli na mit bitz hebä

eusä chliini süessi Pfüdi wird gross …

Frägeli Rian

Dä Rian steckt inärä neuä Entwickligsphase   im Momänt isch Frägä hoch ihm Kurs   was isch das? Für was?… s warum laht er na wäg. Chunt aber sicher gli. S isch spannänd aber natürli au bitz asträngän  

statt am Frägä, am chlättärä

Finn alütä

im Momänt würd dä Rian am liebschtä jedä Tag mit sim Früünd äm Finn abmachä     mehrmals frägt er wänn mir wieder abmachät

gescht Morgä scho, wo mir zu närä Kollegin hei sind mit ihrärä chliinä Tochter hät er gseit: “nei lieber Finn & (E)lina ga  

hüt hät er au wieder x Mal gfrägät, ob mir mit äm Finn abmachät. Woni gseit han nei hüt nid. Hät er gmeint. Finn alütä, was er dänn au gmacht hät (mit äm Spielzeug Natel)

Rian: hoi Finn, morn abmachä? Chiinderwii trinkä     :mgreen:    (zur Erklärig, am Levi sim gebi häts Chiinderwii gä   nid dass na s Gfühl entstaht, ich heg än chliinä Alki dihei)

Levi’s Wortschatz

Mama

da ( wänn er öpis wett, oder überchunt oder öpis zeigt)

oh/ow

nei

er seit na meh, aber bi denä Sachä isch äs klar. bi dä andärä weiss mir nu mit viel Phantasie was er meint  

Brunch mit s Müs

Hüt händ mir eus mit dä Steffi, äm, Urs & dä Nora ( s Müs    )  zum bruch troffä. a eusäm altä Wohnort häts än neuä Spielpi gä & näbät dra häts grad äs Resti (au neu), wo mir chan vom Stuhäl us d Chiind uf äm Spielpi beobachtä    – so fern s Wätter mitgmacht hetti

dänn chum sind mir a cho, isch äs scho go rägnä cho – also sind mir iä züglät & händ dinä fein brunchät

d steffi & dä zrs mit äm Levi

äs hät soga dinnä ä chliini Spieleckä gha

dä Rian & d Nora händ sich we immer super verstandä & zämä ghebät, gäg anderi Chiind     was i au lässig find, dä Rian seit jetzt au bi dä Nora mal nei. Nei, Nora wetti nid, oder wetti au. Suscht isch sie immer chli dä Chef gsi  

dä Rian hät zerscht nid wellä ässä, sondern lieber spielä & dänn hät er mal wieder alläs wellä sälber machä…. isch gar nid mühsam gsi…     das dä levi guet gässä hät, müend mir ja nid erwähnä   

s Pfüützä springä, bevor s hei gangä isch

s isch lässig gsi, aber halt wäg äm Wätter chli chürz usgfallä. aber wird sicher mal wieder det uf äm Spielpi si. bzw im Kafi  

bim Bluemi schlafä

Hüt Nacht därf dä Rian zum erschtä Mal bim Bluemi schlafä :mrgeen:  er hät sich total gfreut & hät natürli ganz stolz wellä sin Koffer & sis Nesseraire mitnäh

er hät ghulfä packä & hät dänn dä Koffer wellä höchtschtpersönlich is Auto iäladä. Überhaupt isch im Moment sälber machä agseit   immer wieder heisst: Nei, Rian machä, sälber machä, nid hälfä… s Brötli sälber strichä klappät au scho sehr guet

Rian & Grosi unterhaltät sich

Grosi: Rian wa häsch dä am Finger?

Rian: än Böög

Grosi: Chum ich gib dir äs Nastüechli

Rian : Nei, hei näh

Grosi: das isch doch gruusig, tuen ihn jetzt is Nastüechli

Rian (weint): Neiiiiiiiiiiiiiii, Böög hei näh!!!!!!!!!!!!!!!!!!!!!!!!!!!!!!!!!!!!!!!

Grosi: luegät mal äns Springbrunnä

Rian: än Springwasser