nachtwach

dä dä Heiko & ich gescht Nach beid händ müessä schaffä isch s Tanti Gotti diä ganz Nacht go hüetä cho. Dä Rian hät sich scho dä ganz Tag druf gfreut & vo nüt meh anderem gredät   er hät wo mir s Gästebett ufgstellt händ grad gseit, er welli dänn bim Tanti Gotti schlafä

d Nici isch scho uf dä Znacht cho & so isch na chli Ziit zum spielä bliibä.

dä Levi isch we eigentlich immer ohni Problem igschlafä. Dä Rian isch na wach gsi, woni ha müessä ga & hät s Tanti Gotti na chli underhaltä   hegis aber au guet gmacht. i sim Bett isch er zwar nid igschlafä, aber immerhin bi eus Bett (isch ja eh niemärt drinn gsi    )

leider seg chli gar früh Tagwach gsi. Scho am 6i    armi Nici, da sie ja Wuchäendi hetti.

uf all Fäll isch äs guet gangä, obwohl dä Levi nid so zwäg isch (hät dä Schnuderi) & isch nid so super gluunät gsi am morgä

liebs Tanti Gotti mir dankät dir viel Mal für din super Isatz – mir sind uh froh gsi & d Jungs händs gnossä

wieder dihei

Hüt Nami händ mir eusi zwei Schätzeli wieder bim Bluemi & bim Grosi und Grospi angholt. Vermisst händs mir natürli sehr, aber s uschlafä & i Ruhä ufruumä hät guet ta

& sie händs ja beid au gnossä & jewils a ihrnä “Färiäort” super gmacht.

Dä Levi hät fliessig Stäge erkimmt   & dä Rian isch mit äm Laufvelo umäglflitzt

diä beidä händ sich anschienänd au vermisst & chum dihei ganz herzig miänand gspielt & mal wieder liebär mit ä nand gigälät & “gschwätzt” statt gschlafä…

….. aber wer chan so ämä süessä frächä Fratz bös si???

Ischlaftheater hoch Zwei!!!

Hüt händ beid blöd ta, bim ischlafä. Dä Levi isch total fit gsi, we er dummerwis am Nami uf äm Heiwäg igschlafä isch   dä Rian isch zwar müed gsi, aber trotzdem na z fit zum schlafä. Sie sind beid i dä Bettä gstandä & händ mit ä nand gredät & gigälät. Ich han alles versuecht, nix hät gnützt. Nid mal dä Rian ufs stilli Bänkli zsetzä. sie händ sich dänn dur die gschlossini Türä underhaltä.

han zwüschät durä scho chli müessä schmuntzlä, obwohl so min Fiirabig druf gaht – und das isch gar nid läss  

jetzt schlaft dä Rian bi eus innä & s git nu 1 Nuggi, statt 5 oder meh. & keis Kläberli

zum Glück isch jetzt sit 5 Minutä ruhä

Ischlaftheater

Dä Rian macht sit neuschtäm Theater bim Ischlafä am Abig. Er findet irgendwiä dä Schlaf nid.  Wird mal dä Mittagsschlaf chürzä, hoffä äs bessert dänn

ääääääääääändli im Bett

Hüt isch äs mal wieder än Kampf gsi, bis diä beidä ändli gschlafä händ   (bin ja ä lei, dä Heiko hät Spatschicht) irgendwiä sind  dä Levi & dä Rian völlig überdreht gsi & händ sich na gägäsitig agsteckt.  sie händ eis Chäferfäscht gha, händ nu gigälät. Vorallem dä Levi, er isch immer wieder am Rian na & uf ihn uäglägä & häts uh luschtig gfundä. Eigentlich uh härzig, aber nid wänns is Bett settät. x mal sinds mir lachänd dävo grännt oder dävo krabblät. I trenntä Zimmer hät dänn s Ischlafä ändli klappät

wieder dihei

dä Rian isch wieder dihei   er häts aber total gnossä bim Bluemi & viel erlebt. Am Beschtä gfallä hät ihm glaub s Häsli füetärä. Da ich hüt ä Wiiterbildig gha han, hani dä Levi am Morgä au na zum Bluemi bracht.So händ beid hüt na chli chönä s Bluemi gnüssä.

dä Rian hät zwei Täg kein Mittagspfuus gmacht & au i dä Nacht nid so viel we suscht gschlafä. Drum isch er hüt nach äm Znacht grad bi mir igschlafä. Nachämä gröbärä Toibeli Afall    

ufruumä

dä Levi chan defintiv besser ufruumä als dä Rian

mir verratet jetzt glich, dass das Foti am Abig am 10i ufgno wordä isch, we dä jungi Herr sich mal wieder gweigert hät zschlafä. Sobald er am spatä Nami nu äs bitz na schlaft, chan mirs am Abig vergässä

Duräschlafä

Sit ä paar Täg schlaft dä Levi jedi nacht durä

vom 20 uhr bis am 7.15/8 Uhr ->  richtig erholsam  

hoff das bliibt so. Wobi vorher isch ja au nüm so schlimm gsi, zwüschät 0-3 mal Zahgel gä

Schlafmützä

Hüt Morgä händ d Jungs bis am 9.30 Uhr gschlafä   und dänn am 12.45 Uhr scho wieder   hoff sie brüetät nüt us. Und dass sie dänn hüt Abig au mögät, ad Party vom Tanti Gotti

singä

Hüt Morgä sind mir wieder im singä gsi. Obwohl mir 1 Wuchä Pausä gmacht händ, isch dä Rian scho chli muetiger gsi   er hät sogar mitgsungä – er hät s letschti Lied gsungä, wo mir scho bim neuä gsi sind

dä Levi häts au lässig gfundä und sogar mit Musik gmacht – am Schluss isch er dänn aber chli müed gsi