immer na Fieber

dä Levi hät immer na Fieber & äs gaht ihm nanig guet. Er brüelät hüfig, mag nid spielä & ässä. Liit am liebschtä bi mir uf äm Buch & pfüüsälät oder ruhät sich us. Dä Rian machts guet, obwohl er im Momänt definitiv z churz chunt. er seit nu  uhi, Levi heiss. Levi nid zwäg, Levi isch chrank…

am Nami isch dä Levi mal äs Momäntli Fieberfrei gsi & mir sind mit dä Nora & dä Steffi uf dä Spielpi. Z erscht isch dä Levi uh lang im Wägeli gsässä & hät all chli beobachtät. Sehr ungwohnt für ihn, suscht isch er kei minute meh im Wagä wänn er nid fahrt

irgendwänn isch er sogar chli go spielä & hät wieder fit gwürkt. Han scho dänkt, jetzt gahts ihm wieder guet. Dihei hät er dänn aber wieder glüht & 39.2° Fieber gha. Mal luegä was dä Tag morn so bringt, suscht mueni mi dänn glich na bi dä kiä mäldä

Spielpi mit äm Tanti – Gotti

Nach äm Mittagspfuus händ sich d Jungs & ich  mit äm Tanti – Gotti uf äm Spielpi troffä

äs isch äs churzäs aber lässigs Träffä gsi, bi super Wätter

dä Levi isch mit ämä glichaltrigä Bueb um d Wett gloffä, zur freud vo äs paar Tennies wo det ihrä Träffpunkt händ

am gigampfä

Spielpi

das eus allnä eigentlich wieder rächt guet gangä isch, sind mir chli uf dä Spielpi.

Natürli herbschttauglich azogä

dä Levi finds uf äm Bobby car uh läss, also wänn mir ihn stosst. Dänn würkli vorwärts chunt er nid. Dänkä äs gaht na äs Momäntli, dänn dä Rian häts au eher spat erlickt

zfür lauf er jetzt ständig dävo vom Spielpi. Ein vo denä Zwei isch immer verschwundä  

namal Spielpi

hüt händ mirs schöni Wätter uf äm Robinson Spielpi gnossä. Beid Jungs händ usgiebig gspielt.

Rutschä liebt dä Levi bsunders

schauklä im Spinnänetz

und uf äm Eichhörnli

Nefti Spielpi

Hüt Nami händ mir mit äm Loris & sim Mami uf äm Nefti Spielpi abgmacht gha. s isch än lässigä Abenteurspielplatz. Wobi für dä Levi eher ungeignät. er hät ständig wellä Sand oder Gras ässä & d Steindli sind au immer i sim Muul glandät

für dä Rian häts zfür viel z entdeckä gä. Für mich isch au lässig gsi, han grad na äs paar alti Bekannti troffä

velo fahrä & rutschä

wo dänn hüt Nami d Sunnä ändli mal richtig führä cho isch & nid grad wieder verschwundä isch, sind mir na chli usä.  Dä Rian mit äm Laufvelo, er fahrt na viel schnäller & wieder lieber sit dä Papi dä Sattel witär uä ta hät

coolä Biker

dä Levi händ mir zum erschtä Mal für än Spaziergang ufs 3 Rad gsetzt – und er häts sichtlich gnossä er isch ganz stolz druf gsässä, hät sogar mal gjuchsät vor Freud

am Rundi drähä

zwüschät durä hät er sogar amäl loslah   & isch ganz lässig hindärä glähnt mit ämä na coolärä Gsichtsusdruck 

au uf äm Spielpi isch er immer muetiger & entdeckigsfreudiger(nid immer ganz zur Freud vo eus…)

Stägä uä macht er fängs super guet, nu wett er dänn grad vorwärts d Rutschbahn däräb   & wehe mir haltät ihn uf

Bsuech vom Tanti Gotti

Hüt isch s Tanti Gotti zum Znacht cho. Vorher sind mir na husch usä uf dä Spielpi. dä Rian und dä Levi händ d Nici natürli voll i Beschlag gno  

ällei dussä

Hüt isch äs am Rian langwillig gsi am Morgä, bin am wäschä gsi und dä Levi hät frühä gschlafä. Also isch er ä lei usä gangä. Aber nur churz, er isch schnäll wieder zrug cho. Traut sich au nanig so rächt. Isch mir aber au grad rächt

bädälä mit dä Nachbarsmaitli

Hüt Nami händ d Jungs vor äm Huus chönä bädälä. Han, bzw. eusä netti Nachbar hät am Morgä au grad na eusäs Bädli ufgstellt

am wartä uf d Nachbarsmaitli Nora & Aurelia

dä Rian mit dä Aurelia

d Aurelia isch z erscht Levi Fan gsi, jetzt isch sie völlig ata vom Rian.   rüeft ihm immer und lauft ihm na

zum Zvieri häts feini Chriesi gä

s isch än total lässigä Nami gsi – isch scho toll, dass mir so ä super Nachbarschaft händ, grad bi eus im Huus

Besäbeiz

Hüt Abig händ mir eus mit äm Grosi & Grospi & äm Tanti Gotti i dä Besäbeiz höch über äm Rhein troffä. Det häts feini Grilladä gä

und äs hät än tollä Spielpi, wo grad all wieder Chiind gsi sind

Pirat Levi

dä Rian isch begeistert gsi vom Bagger

mit äm Tanti – Gotti am gireizlä

s isch sehr fein gsi (direkt vom Hof   ) und au lässig fürd Chiind. Mir wärdät sicher mal wieder ga

am Nami sind mir übrigens na i dä Badi gsi, s Tanti Gotti isch det scho däbi gsi