Bruäderhuus

hüt händ mir eus ändlich mal wieder mit dä Susanne & ihrnä Jungs troffä   obwohl dä Rian evt au ä Bindehuutentzündig hät, hät sich d Susanne nid dävo abhältä la   s Wätter isch eifach traumhaft gsi & mir händ eus ja scho echt lang nüm gseh.

äs isch we immer öpis gloffä, keis Wunder, diä beidä sind je ja nu 2 Mönät älter als eusi

dä Lewin lauf öpä ä Wuchä länger als dä Levi, also häts gheissä 4 Chiind na springä     äs isch eus defintiv nid langwillig wordä

äähmm wo sind d Rehli?

da

gireizä findät dä Levi uh läss. Er machts au scho super & wänn er amäl nid plötzlich würd  1 Hand loslah & zeigänd sägä daaaaaaa, müessti mir ihn gar nid hebä 

diä zwei Grossä

und am Zvieri ässä

leider isch dä Rian bim chlättärä na ab dä Baumstämm gfallä, voll uf dä Hinderchopf   han nüt gseh, doch uf dä Heifahrt, hät er dänn gmeint, dass er gar nid chöni anä liggä. Dihei hani dänn äs riesä Horn gspührt   viel witär unä, als i gluegät han

1. Beule

hüt hät dä Levi sini erscht richtig Büüle übercho

er isch ab äm Bett gfallä      äs ächts Rabämami bin ich   än chliinä Momänt unachtsamkeit & scho passiert

und äs hät ä riesä Büülä gä 

Irgendwiä isch hüt nid so eusä Tag. Dä levi isch hüt na x Mal umgheit & ich han na d Waag (us Glas) verschlagä   & dä Tag gaht na lang …..

leider doch Zahnarzt

nachdem s gescht so usgseh hät, als seg nur d Lippe verletzt. han ichs dänn hüt Morgä mal so richtig chönä aluegä (geschtär hani nid würkli därfä is Muul iäluegä)

bin dänn rächt verschrockä, um dä Zah umä isch grad chli bluetunterloffä gsi und s Zahfleisch hät sich verfärbt   dä Zah hät zum glück nid gwacklät. Mir händ dänn sofort am Zahni aglütä. dä Heiko hät dänn mit äm Rian verbi chönä. viel chan mir nid machä, nur hoffä, äs heg dä Zah nid nach uä verschobä und dä neui verletzt. Bim Zahni händs äs churz agluegät, so guets gangä isch und Föteli gmacht. dä Rian hät das gar nid läss gfundä, drum händ mir dänn vo dä obärä Zäh dihei äs Föteli gmacht

suscht gahts am Rian aber guet – mir hoffät jetzt mal äs isch kei Zahschädigung   dä Versicherig händs mir uf all Fäll gmoldä

dicke Lippe

Hüt hät dä Rian än Sturz vom Trip Trap gha   kei ahnig we er das gschafft hät, plötzlich isch er chopfvora vom Trip Trap gfallä   natürli grad ufs Gsicht. woni ihn dänn zu mir gno han, hani zerscht mal nu Bluät gseh. Sisch we bi sim Rutschbahnsturz, nu so usägloffä     er hät sich zum Glück “nur” uf d Lippe bissä, aber zfür zimmli heftig. s hät mega blüetät.

da dä Rian nu brüelät hät und ich ihn nüm han chönä los la und dänn dä Levi au na agfangä hät – hani churzerhand am Bluemä -Grosi aglütä. Sie isch zum Glck mega schnäll da gsi, schnäller als d Führwehr

dä Rian hät sich dänn schnäll beruhigt und sich vom Grosi ablänkä la und dä Levi isch au wieder zfriedä gsi. Bin also scho froh, wohnät beid Grosis so näch und dass mir eus uf beid so guet chönd verlah

Bluemä Grosi (Bluemi   ) namal dankä für din super Isatz   au wänns am änd nid so schlimm gsi isch weni gmeint han

in Ächt gsehts schlimmer us

schlittlä mit Folgä

da hüt echt Traumwätter isch, Sonneschii & Schnee (ok Schnee chöntis na chli meh ha   ) sind mir mit dä Jungs chli us. Natürli warm ipackt

mir händ dä Babyschlittä usä gno. (zum Glück hät eus  s Chrischtchindli scho verrate, dass gli än richtigä Bob git) 

dä Papi hät dä Rian zogä, beid händs uh läss gfundä & dä Rian hät mega müessä gigälä

bis dänn dä Papi chli übertriebä hät und da ganz Schlittä, sammt Inhalt kippet hisch. Dä Rian hät mega müessä brüelä & dä Schlittä isch natürli grad out gsi. Wo er sich aber dänn beruhigt hät, sind mir glich na dussä bliibä & händs schöni Wätter gnossä

dihei, wo mir ihm dänn d Kappe abzogä händ    :shock:   :schock:  

ä riesä Büülä (in würklichkeit na schlimmer als uf äm Föteli)

mir händ äs mega schlächts gwüssä, dass mir das nid vorher gmerkt händ   Rabäeltärä mir