dä Levi isch ja eigentlich scho länger äs riesä Kamikaze Chlätter Äffli. Er kennt da echt nüt. Nu dä Trip Trap hät er bis jetzt in Ruhä la. Bis jetzt! grad hüt Morgä hani na dra dänkt & gfundä sisch na schön laht er dä in Ruhä. Hetti besser nid gmacht 
Hüt abig isch er ständig uäklättärät & hät so grad uf dä Tisch oder d Abedickig vo dä Chuchi wellä 
oder er versucht z’oberscht ufä zsitzä
da mir hüt nid is Muki, nid is Singä & verrusä händ chönä, händ d Jungs chli beschäftigung brucht. Sie händ därfä mit dä Wasserfarbe malä. Eigentlich ufs Papier, dä Levi hät dä wohl öpis falsch verstandä 
Diese Diashow benötigt JavaScript.
dä ich hüt Morgä so Chopfweh gha han & dä Heiko Spatschicht. Hät dä Rian mit äm Papi is Muki Turnä därfä. im erschtä Momänt hät ers nid so lässig gfundä, nacher hät ers aber doch cool gfundä.
dä Levi, wo au nid würkli fit isch & ich händ eus än gmüetlichä Morgä gmacht. Wobi ganz händ mirs nid chönä la & ich han na bitz Huushalt gmacht dä Levi hät fliessig mitghulfä 
Putztüfeli Levi
dä dä Heiko & ich gescht Nach beid händ müessä schaffä isch s Tanti Gotti diä ganz Nacht go hüetä cho. Dä Rian hät sich scho dä ganz Tag druf gfreut & vo nüt meh anderem gredät er hät wo mir s Gästebett ufgstellt händ grad gseit, er welli dänn bim Tanti Gotti schlafä 
d Nici isch scho uf dä Znacht cho & so isch na chli Ziit zum spielä bliibä.
dä Levi isch we eigentlich immer ohni Problem igschlafä. Dä Rian isch na wach gsi, woni ha müessä ga & hät s Tanti Gotti na chli underhaltä hegis aber au guet gmacht. i sim Bett isch er zwar nid igschlafä, aber immerhin bi eus Bett (isch ja eh niemärt drinn gsi )
leider seg chli gar früh Tagwach gsi. Scho am 6i armi Nici, da sie ja Wuchäendi hetti.
uf all Fäll isch äs guet gangä, obwohl dä Levi nid so zwäg isch (hät dä Schnuderi) & isch nid so super gluunät gsi am morgä
liebs Tanti Gotti mir dankät dir viel Mal für din super Isatz – mir sind uh froh gsi & d Jungs händs gnossä
Hüt händ mir eus mit äm Finn, dä Elina und dä Caro. Äm Graziano & sim Mami dä Melanie & äm Vale mit äüm Mami Lucia im Rappi Zoo troffä. s Wätter isch wider hammer gsi & mir händs namal so richtig gnossä
äs isch än super lässigä Usflug gsi, obwohl dä Rian nid immer so guet glosät hät er isch aber nid dä Einzig gsi
d Seelöwä show, händ all ganz gspannä mit verflogt. Au dä Levi häts uh läss gfundä & begeistert zuä gluegät & sogar äs bitz klattschät
s Elefantä riitä händ mir grad verpasst, zfür hät sich dä Rian s erscht Mal traut ä lei Pony zriitä, er häts super gmacht
leider isch dä Finn na vomä Pony bissä wordä s hät grad dä ganz Arm verschluckt mir hoffät fescht am Finn sim Arm gahts gli besser
dä Levi lauft jetzt dedintiv Hüt isch er meh uf 2 Bei underwägs gsi, als mit chrabblä. s gseht uh süess us & mir sind ganz stolz uf eusä chliini Maa
das heisst jetzt, mir chönd ab sofort 2 Chiindä na rännä. Wobi dä Levi zum Glück nanig so schnell isch & dussä mit Schuhä isch er nanig so sicher
äs schiint ihm Spass zmachä
Diese Diashow benötigt JavaScript.
Hüt händ dä Rian & ich wieder Muki Turnä gha i därä Ziit hät dä Levi därfä zum Nachbarsmaitli Jara go spielä. Ich han zerscht chli bedänkä gha, han dänkt er müessi sicher bitz brüelä, wänn dä Rian & ich gönd. Isch aber nid so gsi, er isch diä ganzi Ziit total zfriedä gsi. Sie hegät ganz härzig mit ä nand gspielt. Bin richtig stolz uf min chliinä Maa
im Muki turnä isch au wieder total läss gsi. äs isch richtig cool, was mir mit dä Turngrät alläs chan astellä oder ebä Turngrät anderscht verwändä dä Rian gnüssts au total & isch wieder dä frächi Rian, wo ab & zuä mal uf & dävo gaht & d Ohrä uf durchzug stellt…
Hüt hät dä Levi sini erschtä Schuhä übercho
äs isch mit dä Lederfinkli langsam chli nass & chalt wordä.
Jetzt isch er stolzä Bsitzer (vo tüürä) Lauflernschuhä 
zfür sinds super weich & passät sehr guet. Isch gar nid so eifach gsi, we er än sehr grossä Rist hät
Hüt isch mir so richtig bewusst wordä, we gross dä Levi scho isch & was er scho alläs chan. Im Halläbad hät er we än grossä badät, isch umä klättärät & quer durs Wasser krabblät.
Hüt hät er au zum erschtä Mal 2 Schrittli uf mich zuä gmacht Er chlättärät jetzt ständig ufs Sofa & staht det obä frei
frei stah tuet er jetzt sehr lang, trinkt däbi locker us dä Siggfläsche
redä tuet er au klarer, hüt hät er dütlich Ball gseit & sich total gfreut, won ichs verstandä han & ihm dä Ball gä han
gireizlä findet er au uh läss (natürli na mit bitz hebä
eusä chliini süessi Pfüdi wird gross …
Hüt sind mir mal wieder is Halläbad gangä. Bis jetzt han ichs mir nid zuätraut mit beidnä zga. Äs isch aber sehr guet gangä, han eifach beidnä Flügeli agleit & bim umziäh händ mir halt chli länger gha Mir händ mit dä Steffi & dä Nora abgmacht gha. All drü händs total lässig gfundä & händ usglassä gspielt im Wasser. Au dä Levi hät wacker mitgmacht & isch im Wasser umäkrabblät oder am Rand entlang gloffä. Er isch au fliessig umäklättärät (weniger zur Freud vo mir ) Isch total lässig gsi, freu mi scho ufs nächschte Mal
dä Rian hät sich mal wieder nid wellä fötälä la
Diese Diashow benötigt JavaScript.
